දිරිය නෙත් සමාජ සත්කාරක වැඩසටහන යටතේ ගාල්ල හරුමල්ගොඩ බටහිර කණිෂ්ඨ විද්‍යාලය සඳහා ඉදි කෙරුණු නව පුස්තකාල ගොඩනැගිල්ල අද (06) විවෘත කෙරෙනවා.
විද්‍යාලයේ ඉගෙනුම ලබන දරුවන්ගේ පරිශීලනය සඳහා අවශ්‍ය පොත්පත් පරිත්‍යාග කිරීම ද මෙහිදී සිදු කෙරෙනු ඇති.
ඒ සම්බන්ධයෙන් අදහස් දැක්වූ ගාල්ල හරුමල්ගොඩ බටහිර කණිෂ්ඨ විද්‍යාලයේ විදුහල්පති කේ. ආර්. කාන්ති සඳහන් කළේ “අපේ පාසලට මෙතෙක් කල් පුස්තකාලයක් තිබුණේ නැහැ. ඒ අඩුපාඩුව නෙත් එෆ්.එම් රේඩියෝවෙන් හඳුනාගෙන අද වන විට ඒ අවශ්‍යතාව ඉටු කරලා තියෙනවා. මේ පාසලේ විශාල වශයෙන් අඩුපාඩු තියෙනවා. දරුවන්ගේ අධ්‍යාපනයට අත්‍යාවශ්‍යම අංගයක් තමයි අද දවසේ නෙත් එෆ්.එම් රේඩියෝවෙන් ඉටු කරලා තියෙන්නේ.” යනුවෙනි.
දිරිය නෙත් සමාජ සත්කාරක ව්‍යාපෘතිය යටතේ ඉදිකර, සිසු අයිතියට පත් කෙරෙන තුන්වන පාසල් පුස්තකාලය මෙයයි.
