ඉන්දියාව අඩපණ කළ සුරංග ලක්මාල්ගෙන් සුපිරි ලෝක වාර්තාවක්

ශ‍්‍රී ලංකා කණ්ඩායමේ වේග පන්දු යවන ක‍්‍රීඩක සුරංග ලක්මාල් අද (17) නව ටෙස්ට් ක‍්‍රිකට් වාර්තාවක් බිහි කළා. 

ඒ, 2001 වසරෙන් පසු ප‍්‍රතිවාදී පිතිකරුවන්ට එරෙහිව අඛණ්ඩව වැඩිම නිලකුණු පන්දු සංඛ්‍යාවක් යැවූ ක‍්‍රීඩකයා බවට පත්වෙමින්. 

ඉන්දියාවට එරෙහි පළමු ටෙස්ට් තරගයේ දී ඔහු යැවූ පළමු පන්දු 46දී පිතිකරුවන්ට කිසිදු ලකුණක් රැස් කර ගැනීමට හැකිවූයේ නැහැ. 

මීට පෙර එම වාර්තාවට හිමිකම් කීවේ කොදෙව් කණ්ඩායමේ ජෙරුමි ටේලර්. ඒ, නිලකුණු පන්දු 40ක් යවමින්. 

සංචාරක ශ‍්‍රී ලංකා කණ්ඩායම සහ ඉන්දීය කණ්ඩායම අතර පැවැත්වෙන පළමු ටෙස්ට් ක‍්‍රිකට් තරගයේ දෙවන දිනය අදයි.