මත්ද්‍රව්‍ය ජාවාරමට මරණ දඩුවම නියම වී සිටින පුද්ගලයින්ට එම දඩුවම කි‍්‍රයාත්මක කිරීමෙන් පමණක් ගැටළුවට විසදුමක් නොලැබෙන බව උසස් අධ්‍යාපන සහ සංස්කෘතික කටයුතු අමාත්‍ය විජයදාස රාජපක්‍ෂ පවසනවා.
ඔහු පෙන්වා දෙන්නේ එවැනි රැඳවියන්ට බන්ධනාගාරය තුළ සිටම මත්කුඩු ජාවාරම මෙහෙයවීමට ඇතැම් බන්ධනාගාර නිලධාරීන්ගේද සහාය ලැබෙන බවයි.
හිටපු අධිකරණ ඇමතිවරයෙකුද වන අමාත්‍ය විජයදාස රාජපක්‍ෂ මෙම අදහස් පළ කළේ නෙත් එෆ්. එම්. අන්ලිමිටඩ් වැඩසටහනට ඊයේ (18) රාත්‍රියේ එක්වෙමින්.
බන්ධනාගාරය තුළ සිට කි‍්‍රයාත්මක වන මත්ද්‍රව්‍ය ජාවාරම නැවැත්වීමට අවශ්‍ය නම් බන්ධනාගාරය තුළ ඇති නිලධාරීන්ගේ මාෆියාවද නතර කළයුතු බවයි අමාත්‍යවරයා කියාසිටියේ.
(එම සම්පූර්ණ වැඩසටහන පහතින් දැක්වෙයි)
