බදුල්ල නගරයේ රථවාහන අමතර කොටස් වෙළදසැල් දෙකක් ගිනිගෙන විනාශ වී එක් වෙළදසැල් හිමියෙක්ද මරණයට පත්වී ඇත්තේ ප්‍රබල පිපිරීමකින් බව පොලිස් විමර්ශනවලදී අනාවරණය වී තිබෙනවා.
ඊයේ (12) අලුයම මෙම අනතුර සිදුව තිබුණා.
මරණයට පත්වුයේ බදුල්ල හපුවත්ත පදිංචිව සිටි මුතු තන්ත්‍රිලාගේ සුමීර හේමන්ත කුරේ (46) නමැති දෙදරු පියෙක්.
මරණකරු තෙවතාවක් වෙළදසැලට යන අයුරුත් ඉන්පසු ඔහු වෙළදසැල ඉදිරියේ මාර්ගයේ නතර කිර තිබු යතුරුපැදියට නැගීමට සූදානම් වෙද්දීම පිපිරීම සිදුවි ඔහු ඊට ගොදුරු වන අයුරුත් ඒ සමගම විශාල ගින්නක් ඇති වන අයුරුත් අදාළ ව්‍යාපාරික ස්ථාන දෙකක සවිකර තිබු ආරක්ෂක කැමරාවල සටහන්ව තිබෙනවා.
