ශ්‍රී ලංකා කණ්ඩායම සහ සංචාරක පකිස්තානය අතර පැවැත්වෙන දෙවන ටෙස්ට් ක්‍රිකට් තරඟයේ පළමු දිනයේ වැඩි වාසි හිමි කර ගැනීමට ශ්‍රී ලංකා කණ්ඩායම සමත් වුණා.
අද දිනය නිමා වන විට සිය පළමු ඉනිම ක්‍රීඩා කරන ශ්‍රී ලංකා කණ්ඩායම කඩුලු 06ක් දැවී ලකුණු 315ක් රැස් කරගෙන සිටිනවා. නොදැවී පන්දුවට පහර දෙන නිරෝෂන් දික්වැල්ල ලකුණු 42යි. අද ටෙස්ට් වරම් හිමිකරගත් දුනිත් වෙල්ලාලගේ නොදැවී ලකුණු 06ක් රැස් කර ගනිමින් කඩුල්ලේ රැදී සිටිනවා.
දිනේෂ් චන්දිමාල් ලකුණු 80කට දැවී ගියා. ඕෂධ ප්‍රනාන්දු ලකුණු 50ක් රැස් කිරීමට සමත් වුණා. සියවෙන් ටෙස්ට් තරඟය ක්‍රීඩා කරන ඇන්ජලෝ මැතිව්ස් ලකුණු 42කට දැවී ගියා. පන්දු යැවීමේදී මොහොමඩ් නවාස් කඩුලු දෙකක් දවා ගැනීමට සමත් වුණා.
