අතුරුගිරියේ වෙඩි තැබීමට පැමිණි සැකකරුවන් වෙඩි තැබීම සිදුකර වාහන කිහිපයකින් පලාගොස් ඇති බවට පොලිස් විමර්ශනවලදී අනාවරණ වී තිබෙනවා.
ඔවුන් වෙඩි තැබීම සිදුකිරීමට පැමිණි මෝටර් රථයෙන් කොරතොට ප්‍රදේශයට ගොස් වෑන් රථයකින් බුලත්සිංහල ප්‍රදේශයට පලාගොස් ඇති බවයි පොලිසිය පැවසුවේ.
ඉන් අනතුරුව බුලත්සිංහල ප්‍රදේශයේ සිට තවත් මොටර් රථයකින් පලාගොස් තිබෙනවා.
දකුණු පළාතේ සිට පැමිණි පුද්ගලයන් දෙදෙනෙකු විසින් එම වෙඩි තැබීම සිදුකර පලාගොස් ඇති බවටයි පොලිසිය සැක කරන්නේ.
සැකකරුවන් සොයා පොලිස් කණ්ඩායම් කිහිපයක් තවදුරටත් විමර්ශන සිදුකරනු ලබනවා.
