ඉහළ වටිනාකම් සහිත සුඛෝපභෝගි වාහන හත්සියයක් පමණ කොළඹ වරායේ තවමත් සිරවී ඇති බව පාර්ලිමේන්තුවේදී ඊයේ අනාවරණ වුණා.
සමගි ජනබලවේගයේ පාර්ලිමේන්තු මන්ත්‍රී කිංස් නෙල්සන් පැවසුවේ කාලයක් ගතවීම හේතුවෙන් මෙම වාහන පාවිච්චි කිරීමට නොහැකි තත්ත්වයට පත්ව ඇති බවයි.
මෙලෙස රඳවාගෙන ඇත්තේ විවිධ නඩු කටයුතුවලට අදාළ වාහන බවයි ඊට ප්‍රතිචාර දැක්වූ මුදල් රාජ්‍ය අමාත්‍ය රංජිත් සියඹලාපිටිය පැවසුවේ.
මේ අතර, ජාතික ගමනාගමන කොමිෂන් සභාවට වැඩි බලතල ලැබෙන පරිදි පනත සංශෝධනය කිරීමට නියමිත බවයි විෂයභාර අමාත්‍ය බන්දුල ගුණවර්ධන පාර්ලිමේන්තුවේදී ඊයේ පැවසුවේ.
මේ අතර බස්නාහිර පළාත තුළ ධාවනය කෙරෙන කුලී ත්‍රීරෝදරථ සඳහා නව ගාස්තු ක්‍රමවේදයක් ලබන සඳුදා සිට ක්‍රියාත්මක කෙරෙනවා.
ඒ අනුව පළමු කිලෝමීටරයට රුපියල් 100ක ගාස්තුවක් අය කරන නමුත් දෙවන කිලෝමීටරයේ සිට කිලෝමීටරයට අය කරන්නේ රුපියල් 90ක් පමණයි.
