කුමන දේශපාලන පක්‍ෂයක් ආණ්ඩු කළද රට තුළ ක්‍රියාත්මක ප්‍රතිපත්ති වෙනස් නොවිය යුතු බව එක්සත් ජාතික පක්‍ෂ සභාපති, පාර්ලිමේන්තු මන්ත්‍රී වජිර අබේවර්ධන පවසනවා.
ඒ වෙනුවෙන් ජනාධිපති රනිල් වික්‍රමසිංහ ජාතික සභාවක් පිහිටුවා ඇති බවයි ගාල්ල ප්‍රදේශයේ පැවති උත්සවයකට එක්වෙමින් මන්ත්‍රීවරයා පැවසුවේ.
අනාගතය භාරගැනීමට නියමිත දරු පරපුර වෙනුවෙන් පාසල් පද්ධතිය සංවර්ධනය කරන බව විපක්‍ෂ නායක සජිත් ප්‍රේමදාස මහතා පවසනවා.
කොළොන්නාව ප්‍රදේශයේ පැවති උත්සවයකට එක්වෙමින් විපක්‍ෂ නායකවරයා මෙම අදහස් පළ කළා.
සිය මන්ත්‍රීවරුන් ඩැහැ ගැනීමට විවිධ කණ්ඩායම් උත්සාහ කළද ජනතාව තවදුරටත් පක්‍ෂය සමග රැදි සිටින ශ්‍රී ලංකා පොදුජන පෙරමුණේ මහලේකම් පාර්ලිමේන්තු මන්ත්‍රී සාගර කාරියවසම් පවසනවා.
කොළඹ පැවති උත්සවයකට එක්වෙමින් ඔහු මේ බව කියාසිටියා.
