පොලිස් පරීක්ෂක ශ්‍රේණියේ නිලධාරීන්ට දැනුම, වෘත්තීය භාවය සහ ආකල්ප වර්ධනය කිරීම වෙනුවෙන් දෙදින වැඩමුළුවක් ආරම්භ කර තිබෙනවා.
පොලිස් පරීක්ෂකවරුන්ගේ සංගමය එම වැඩමුළුව සංවිධානය කර තිබෙනවා ඒ ඕස්ට්‍රේලියානු මහ කොමසාරිස් කාර්යාලයේ අනුග්‍රහයෙන්. සහ ඕස්ට්‍රේලියානු ෆෙඩරල් පොලිසියේ සම්පත් දායකත්වයෙන්.
මෙම දෙදින වැඩමුළුව අද ආරම්භ වුයේ කොළඹ ප්‍රසිද්ද හොටලයකදීයි
.
එම වැඩමුළුවේ සමාරම්භක අවස්ථාවට මහජන ආරක්ෂක අමාත්‍ය ටිරාන් අලස් , ඕස්ට්‍රේලියානු මහකොමසාරිස් පෝල් ස්ටීවන්ස් සහ පොලිස්පති දේශබන්දු තෙන්නකෝන් සහභාගි වුණා.
පොලිසිය විසින් අත්අඩංගුවට ගනු ලබන සැකකරුවන් සම්බන්ධයෙන් වන විමර්ශන කටයුතු සඳහා ඔවුන් රඳවා තබා ගැනීම, වත්කම් විමර්ශනය හා පුනරුත්ථාපනය සඳහා යොමු කිරීම මෙන්ම අධිකරණයේ නඩු මෙහෙය වීමේදී ස්ථානාධිපතිවරුන් සහ මූලස්ථාන පොලිස් පරීක්ෂකවරුන්ට මුහුණ දීමට සිදුවන නීතිමය ගැටළු නිරාකරණය කර ගැනීම සඳහා , අපරාධ විමර්ශනයේදී නවීන තාක්ෂණ දැනුම උපයෝගී කර ගැනීම පිළිබඳව වෘත්තීමය අවබෝධය ලබාදීම මෙම වැඩමුළුවෙහි මූලික අරමුණ වනවා.
