බෙන්තොට, අතුරුවැල්ල ප්‍රදේශයේ විහාරස්ථානයක සිදු වූ ගැටළුවක් මුල්කර ගනිමින් මිගෙට්ටුවත්තේ සුමිත්ත හිමියන් පොලිසිය විසින් අත්අඩංගුවට ගෙන තිබෙනවා.
තවත් හිමිනමක් සහ පුද්ගලයෙකු ද එහිදී අත්අඩංගුවට ගත් බවයි පොලිසිය පැවසුවේ.
අදාළ විහාරස්ථානයේ ඇති වූ ගැටළුවක් පිළිබඳ සාකච්ඡා කිරීම සඳහා වෑවල ප්‍රදේශයේ විහාරස්ථානයක හිමිවරුන් ඇතුළු පිරිසක් එම විහාරස්ථානයට පැමිණ තිබෙනවා.
එහිදී ඇති වූ බහින් බස්වීමක් දුරදිග යාමෙන් හිමිවරුන් දෙදෙනෙකු සහ පොලිස් නිලධාරියෙකු තුවාල ලබා බෙන්තොට රෝහලට ඇතුළත් කර ඇති බවයි පොලිසිය පැවසුවේ.
අදාළ ගැටුමේදී බෙන්තොට, අතුරුවැල්ල ප්‍රදේශයේ විහාරස්ථානයට ද හානි සිදුව තිබෙනවා.
මිගෙට්ටුවත්තේ සුමිත්ත හිමියන් මීට පෙර අවස්ථා කිහිපයකදී අත්අඩංගුවට ගෙන රක්ෂිත බන්ධනාගාර ගත කෙරුණා.
2012 වසරේදී බෙන්තොට සහ අලුත්ගම ප්‍රදේශවල සිදු වූ අපරාධ රැසක අපරාධකරුවන්ට නවාතැන් ලබාදීම එම හිමිනමට එරෙහි එක් චෝදනාවක් වුණා.
