Thursday, April 3, 2025

General line - 0115112241

පුංචි ඡන්දයේ දිස්ත්‍රික්ක 04ක ඡන්ද පත්‍රිකා මුද්‍රණය අවසන්



පළාත් පාලන මැතිවරණයට අදාළ ඡන්ද පත්‍රිකා මුද්‍රණ කටයුතු මේ වන විට සාර්ථකව සිදුවෙමින් ඇතැයි රජයේ මුද්‍රණාලය පවසනවා.

රජයේ මුද්‍රණාලයාධිපති ප්‍රදීප් පුෂ්පකුමාර මහතා පැවසුවේ දිස්ත්‍රික්ක 04ක ඡන්ද පත්‍රිකා මුද්‍රණය අවසන් කර ඇති බවයි.

මේ අතර එළඹෙන පළාත් පාලන මැතිවරණයේදී අදාළ ආයතන වෙත සභිකයින් තෝරා ගන්නා ක්‍රමවේදය මත පැෆරල් සංවිධානයේ විධායක අධ්‍යක්ෂ රෝහණ හෙට්ටිආරච්චි මහතා නෙත් එෆ් එම් අන්ලිමිඩට් කණපිට වැඩසටහනට ඊයේ රාත්‍රියේ එක්වෙමින් පැහැදිලි කිරීමක් සිදු කළා.

ඡන්ද ගණන් කිරීමේ කටයුතු සිදු වන ආකාරයද මෙහිදී පැහැදිලි කෙරුණා.

රෝහණ හෙට්ටිආරච්චි මහතා සඳහන් කළේ ජයග්‍රහණ කරන කොට්ඨාස සහ අදාළ පක්ෂය ලබා ගන්නා ඡන්ද සංඛ්‍යාව මත එක් එක් පක්ෂයට හිමි වන මන්ත්‍රී ධුර සංඛ්‍යාව තීරණය වන බවයි.