Friday, April 4, 2025

General line - 0115112241

ඕස්ට්‍රේලියානු විශ්ව විද්‍යාල චීන කොන්ෆියුසියස් ආයතන වසා දමයි



චීන රජයට සම්බන්ධ කොන්ෆියුසියස් ආයතන සහිත ඔස්ට්‍රේලියානු විශ්වවිද්‍යාලවලින් අඩකට ආසන්න ප්‍රමාණයක් මතභේදාත්මක අධ්‍යාපන මධ්‍යස්ථාන සමඟ සබඳතා කපා හැර ඇතැයි වාර්තා වේ.

ඊට ප්‍රධාන හේතුව ලෙස COVID-19 වසංගතයේ බලපෑම යනුවෙන් සඳහන් වුවද විශේෂඥයින් පවසන්නේ විදේශ මැදිහත්වීම් පිළිබඳ රජයේ උත්සුකයන් ද එක් සාධකයක් විය හැකි බවයි.

කොන්ෆියුසියස් ආයතන හතක් තවදුරටත් විවෘතව පවතින නමුත් Queensland University of Technology (QUT) පවසන්නේ එම විධිවිධානය ලබන වසරේ සමාලෝචනය කරන බවයි.

ඔස්ට්‍රේලියානු විශ්ව විද්‍යාල හයක් දැන් චීන රජයට සම්බන්ධ කොන්ෆියුසියස් ආයතන වසා දමා.

ඒ, ෆෙඩරල් රජය විසින් ඔස්ට්‍රේලියාවේ තවත් මතභේදාත්මක අධ්‍යාපන මධ්‍යස්ථානවලට දොරටු විවෘත කිරීමට ඉඩ නොදෙන බවට සංඥා කිරීමෙන් වසර දෙකකට පසුවය.

ආන්ඩුව, අධ්‍යාපනික නිදහස හෑල්ලූවට ලක් කර ඇති බවත්, විශ්ව විද්‍යාලවල උගන්වන දේ කෙරෙහි අනවශ්‍ය බලපෑමක් කිරීමට චීන බලධාරීන්ට ඉඩ දී ඇති බවටත් චෝදනා එල්ල වීම හේතුවෙන් ඔස්ට්‍රේලියානු බලධාරීන් එම ආයතන පිළිබඳ විමර්ශනය වේගවත් කර තිබිණි.