සේවය අත්හිටුවා සිටින පොලිස්පති දේශබන්දු තෙන්නකෝන් මහතා එළඹෙන 10 වනදා දක්වා යළි රක්‍ෂිත බන්ධනාගාරගත කිරීමට මාතර මහේස්ත්‍රාත් අධිකරණය අද නියෝග කළා.
මාතර මහේස්ත්‍රාත් අරුණ බුද්ධදාස මහතා මෙම නියෝගය නිකුත් කළේ රක්‍ෂිත බන්ධනාගාරගත කර සිටි දේශබන්දු තෙන්නකෝන් මහතා අද පස්වරුවේ මාතර මහේස්ත්‍රාත් අධිකරණයට යළි ඉදිරිපත් කළ අවස්ථාවේදීයි.
2023 වසරේ වැලිගම ප්‍රදේශයේ හෝටලයක් අසල සිදුවූ වෙඩිතැබීමේ සිද්ධියට අදාළ මෙම නඩුවේ සෙසු සැකකරුවන් අතරින් තුන්වන සැකකරු හැර අනෙක් සැකකරුවන් ඇපමත මුදා හැරීමටයි නියෝග කෙරුණේ.
මෙම නඩුවේ තුන්වන සැකකරු විදෙස්ගතව සිටින බැවින් ඔහුට විවෘත වරෙන්තුවක් නිකුත් කෙරුණා.
එමෙන්ම අපරාධ පරීක්‍ෂණ දෙපාර්තමේන්තුවේ ඉල්ලීමකට අනුව එවකට කොළඹ අපරාධ කොට්ඨාසයේ අධ්‍යක්‍ෂවරයා ලෙස රාජකාරී කළ නෙවිල් ද සිල්වා මහතා මෙම නඩුවේ නවවන සැකකරු ලෙස නම්කිරීමටද මහේස්ත්‍රාත්වරයා නියෝග කළා.
