Sunday, April 6, 2025

General line - 0115112241

නරේන්ද්‍ර මෝදි සහ දෙමළ පක්ෂ නායකයින් හමුවෙයි  



ඉන්දීය අග්‍රාමාත්‍ය නරේන්ද්‍ර මෝදි මෙරට දෙමළ පක්ෂ නායකයින් හමුවී තිබෙනවා.

අග්‍රාමාත්‍යවරයා සිය  X ගිණුම හරහා පණිවියක් නිකුත් කරමින් සඳහන් කර ඇත්තේ ශ්‍රී ලංකාවේ දෙමළ ප්‍රජාවේ නායකයින් හමුවීම සැමවිටම සතුටක් බවත්  ආර් සම්බන්ධන් මහතාගේ සහ මාවයි සේනාධිරාජා මහතාගේ අභාවය පිළිබඳව සිය ශෝකය පළ කරන බවයි 

තවද එක්සත් ශ්‍රී ලංකාවක් තුළ දෙමළ ප්‍රජාවට සමානාත්මතාවය, අභිමානය සහ යුක්තිය හිමි ජීවිතයක් වෙනුවෙන් අචල කැපවීම අවධාරණය කර තිබෙනවා 

තමාගේ සංචාරය අතරතුර දියත් කරන ලද ව්‍යාපෘතීන් සහ මුලපිරීම් රැස ඔවුන්ගේ සමාජීය, ආර්ථික සහ සංස්කෘතික ප්‍රජගතියට දායකත්වය ලබා දෙනු ඇති බවත් ඉන්දීය අගමැතිවරයා සිය පණිවිඩය මගින් සඳහන් කර තිබෙනවා.

මේ අතර ඉන්දියාවේ මුල් පදිංචිකරුවන් වන දෙමළ ජනතාව සමඟද සුහද හමුවක් පවත්වා තිබෙනවා 

අග්‍රාමාත්‍යවරයා සිය  X ගිණුම හරහා පණිවියක් නිකුත් කරමින් සඳහන් කර ඇත්තේමෙම ප්‍රජාවන් වසර 200 කට වැඩි කාලයක් තිස්සේ දෙරට අතර ජීවමාන පාලමක් ලෙස කටයුතු කර ඇති බවත්  ශ්‍රී ලංකා රජය සමඟ සහයෝගයෙන් ඉන්දියානු සම්භවයක් ඇති දෙමළ ජනතාව සඳහා නිවාස 10,000ක් සඳහා සහය ලබා දෙන බවයි.