පොලිස් නිල ඇඳුමේ වර්ණය වෙනස් කිරීමට ඉදිරියේ දී කටයුතු කරන බව පොලිස්පති පූජිත් ජයසුන්දර පවසනවා.
ඔහු ඒ බව පැවසුවේ බණ්ඩාරවෙල ඇල්ල පොලිස් වසමේ නාදඩුහින්න ප‍්‍රදේශයේ පැවති උත්සවයකදීයි.
පොලිස් නිල ඇඳුම යනු ආභරණයක් නොවන බවද මෙහිදී සඳහන් කෙරුණා. ලෝකයේ බොහෝ රටවල මෙන්ම ජාත්‍යන්තරයේ පොලිසියේ වර්ණය ලෙස තද නිල් පැහැය භාවිතා කරන බවත් මෙහිදී සඳහන් කෙරුණා.
කටුමැටි ගසා තනා තිබූ සිය නිවස වර්ෂාවට හසුව කැඞී යාමෙන් හා සැමියාගේ මරණයෙන් අසරණ වූ කාන්තාවකට හා ඇඟේ දියණිය වෙනුවෙන් ඉදි කෙරුණු නව නිවසක් ඔවුන්ට භාරදීම වෙනුවෙන් මෙම උත්සවය සංවිධාන කර තිබුණා.
අදාළ නිවස තනා දී තිබුණේ ඇල්ල ප‍්‍රජා පොලිස් ඒකකය විසින්.
