අධික වැසි සහිත තත්ත්වය හේතුවෙන් කුකුලේ ගඟ ජලාශයේ වාන් දොරටුවක් විවෘත කර තිබෙනවා.
ආපදා කළමනාකරණ මධ්‍යස්ථානය ප්‍රකාශ කළේ මේ හේතුවෙන් අඟලවත්ත, වලල්ලාවිට, පාලින්දනුවර, ඉංගිරිය සහ බදුරලිය යන ප්‍රදේශවල ජනතාව ජල ගැලීම් තත්ත්වයන් පිළිබඳ විමසිල්ලෙන් පසුවිය යුතු බවයි.
ඇතැම් ස්ථානවලට දැනටමත් සුළු ජල ගැලීම් පවතින බවයි වාර්තා වුණේ.
මේ අතර ඉදිරි පැය 24ක කාලය තුළ දිවයිනේ ප්‍රදේශ රැසකට මිලිමීටර් 150ක පමණ වර්ෂාපතනයක් පැවතිය හැකි බව කාලගුණ විද්‍යා දෙපාර්තමේන්තුව ප්‍රකාශ කළා.
මේ අතර කළුගගේ සහ අත්තනගලු ඔයේ ජල මට්ටමද ඉහළ යමින් තිබෙනවා.
ආපදා තත්ත්තවයන් දැනුම්දීම සදහා 117 ක්‍ෂණික ඇමතුම් අංකය විවෘතව තිබෙන බවද ආපදා කළමණාකරන මධස්ථානය සඳහන් කළා.
