පාකිස්ථානයේ හිටපු ශ්‍රී ලංකා මහ කොමසාරිස් බසීර් අලි මොහොමඩ් ඝාතනය කිරීමට තැත් කිරීමේ චෝදනා එල්ල වූ විත්තිකරුවෙකු එම චෝදනාවලින් නිදොස් කොට නිදහස් කිරීමට කොළඹ මහාධිකරණය අද (05) නියෝග කළා.
මෙලෙස එම චෝදනාවලින් නිදොස් කොට නිදහස් කෙරුණේ බාල ක්‍රිෂ්ණන් බාලසුන්දරම් නැමැත්තෙක්.
කොල්ලූපිටිය ප්‍රදේශයේදී මරාගෙන මැරෙන බෝම්බ ප්‍රහාරයක් එල්ල කර හිටපු මහ කොමසාරිස්වරයා ඝාතනය කිරීමට කුමන්ත්‍රණය කළ බවටයි විත්තිකරුට චෝදනා එල්ල වී තිබුණේ.
2006 වසරේ අගෝස්තු මස 14 වනදා එල්ල වූ මෙම බෝම්බ ප්‍රහාරයෙන් හමුදා සෙබළුන් සිව් දෙනෙකු ඇතුළු පුද්ගලයින් 7 දෙනෙකු ජීවිතක්ෂයට පත් වුණා.
