ගංගාවල ජල මට්ටම ක්රමයෙන් අඩුවෙමින් ඇතැයි වාරිමාර්ග දෙපාර්තමේන්තුව පවසනවා.
කැළණි ගගේ ගංවතුර මට්ටම තවදුරටත් පවතින්නේ නාගලගන්වීදිය ප්රදේශයේ පමණයි. හංවැල්ල ප්රදේශයෙන් අනතුරුදායක ජල මට්ටම අඩුවෙමින් තිබෙනවා.
කළු ගගේ ද ගංවතුර මට්ටම පවතින්නේ ඇල්ලගාව ප්රදේශයේ පමණයි. මිල්ලකන්ද, පටුපවුල හා රත්නපුර යන ප්රදේශවල ගංවතුර මට්ටමේ තිබූ ජල මට්ටම ක්රමයෙන් අඩුවෙමින් තිබෙනවා.
ගිං ගගේ ද තවදුරටත් ගංවතුර මට්ටමක් පවතින්නේ බද්දේගම ප්රදේශයෙන් පමණක් බවයි වාරිමාර්ග දෙපාර්තමේන්තුව පවසන්නේ. තවලම ප්රදේශයෙන් ගිං ගඟ සාමාන්ය තත්ත්වයට පත්ව තිබෙනවා.
නිල්වලා ගඟේ ද පනාදුගම ප්රදේශයේ ගංවතුර මට්ටම ක්රමයෙන් අඩුවෙමින් ඇති බවයි පැවසෙන්නේ. මා ඔය සහ අත්තනගලූ ඔයේද ජල මට්ටම ක්රමයෙන් අඩුවන බව වාරිමාර්ග දෙපාර්තමේන්තුව පැවසුවා.