Friday, December 14, 2018
Hotline - 0770586666

පාර්ලිමේන්තුව විසුරුවා හැරීම අත්හිටුවීමේ ශ්‍රේෂ්ඨාධිකරණ නියෝගය 08 දක්වා දීර්ඝ කෙරේ

දිනුක් හේවාවිතාරණ / අධිකරණ වාර්තාකරු

11675Views

පාර්ලිමේන්තුව විසුරුවා හැරීමේ ගැසට් නිවේදනය අත්හිටුවමින් ශ්‍රේෂ්ඨාධිකරණ විසින් ලබාදුන් නියෝගය මේ මස 08 වනදා දක්වා දීර්ඝ කර තිබෙනවා. ඊට පෙර එම අත්හිටුවීම දෙසැම්බර් 07 වනදා දක්වා ලබාදී තිබුනේ.

ඒ අනුව  එම ගැසට් පත්‍රයේ සදහන් ආකාරයට ඉදිරි කටයුතු සිදු කිරීම වළකාලමින් මැතිවරණ කොමිෂන් සභාවට ද ශ්‍රේෂ්ඨාධිකරණය අතුරු තහනම් නියෝගය ද  දෙසැම්බර් මස 8 දා තෙක් දීර්ඝ කිරීමට ශ්‍රේෂ්ඨාධිකරණයේ සත් පුද්ගල විනිසුරු මඩුල්ල නියෝග කළා.
ඒ අනුව පාර්ලිමේන්තු විසුරුවා හැරීමට ජනාධිපතිවරයා නිකුත් කළ ගැසට් පත්‍රය අභියෝගයට ලක්කරමින් ගොනු කළ මූලික අයිතිවාසිකම් පෙත්සම් වැඩිදුර විභාග කිරීම හෙටට (07) කල් තබන ලදී .

මැදිහත්කාර පෙත්සම්කරුවන්ගේ වාචික දේශන හෙට දින සලකා බැලීමට නියමිතය. එම පෙත්සම් වලින්  නීතිපතිවරයා, මැතිවරණ කොමිෂන් සභාවේ සභාපති මහින්ද දේශප්‍රිය, ඇතුළු එම කොමිෂන් සභාවේ සාමාජිකයන් වගඋත්තරකරුවන් ලෙසට නම් කර ඇත .

එම පෙත්සම් එක්සත් ජාතික පක්ෂය, දෙමළ ජාතික සන්ධානය , ජනතා විමුක්ති පෙරමුණ, ශ්‍රීලංකා මුස්ලිම් කොන්ග්‍රසය , විකල්ප ප්‍රතිපත්ති කේන්ද්‍රය ඇතුළු  පක්ෂ සහ පුද්ගලයින් 12 ක් විසින් ගොනු කර ඇත .