45 වන ජාතික මහා ක්‍රීඩා උළෙලේ ඇවිදීමේ තරග අද (25) පෙරවරුවේ අනුරාධපුරයේදී නිමාවට පත් වුණා. එහි පිරිමි ඉසව්වේ රන් පදක්කම දිනාගත්තේ උතුරුමැද පළාත නියෝජනය කළ ඩී එම් අයි එස් එස් දුනුකාරයි. රිදී පදක්කම සහ ලෝකඩ පදක්කම බස්නාහිර පළාත නියෝජනය කළ ජී එස් චන්දික සහ නිරෝෂන් අප්පුහාමි විසින් දිනාගත්තා.
මේ අතර මෙවර ජාතික මහා ක්‍රීඩා උළෙලේ ඇවිදීමේ කාන්තා තරග ඉසව්වේ රන්, රිදී සහ ලෝකඩ පදක්කම් ත්‍රිත්වයම දකුණු පළාත විසින් දිනාගැනීම කැපී පෙනුනා. පිළිවෙලින් එම පදක්කම් දිනාගත්තේ පී බී ගයනි, දිනූෂා දිල්හානි සහ ලක්‍ෂ්මි කළ්‍යාණි යන ක්‍රීඩිකාවන්.
