මඩකලපුව පෞද්ගලික විශ්ව විද්‍යාලය හරහා රටට ඇතිවිය හැකි අහිතකර ප‍්‍රතිඵලය කිසිවෙකුත් නිසි පරිදි මේ දක්වා රට හමුවේ අනාවරණ කර නැතැයි පාර්ලිමේන්තු මන්තී‍්‍ර පූජ්‍ය අතුරලියේ රතන හිමියන් පවසනවා. උන්වහන්සේ සඳහන් කළේ මෙම විශ්ව විද්‍යාලයේ ඇති අනතුර නිවැරදි ලෙස රටට අනාවරණ කිරීම අත්‍යවශ්‍ය කරුණක් බවයි.
මඩකලපුව පෞද්ගලික විශ්ව විද්‍යාලය වහාම රජයට පවරා ගන්නා ලෙසට අඛණ්ඩව බලපෑම් කරන බව ද උන්වහන්සේ සඳහන් කළා.
මඩකලපුව පෞද්ගලික විශ්ව විද්‍යාලය සම්බන්ධයෙන් වූ විශේෂ රැස්වීම අද (19) පැවැත්වෙන්නේ මඩකලපුව කිරාන් ප‍්‍රදේශයේදීයි. රතන හිමියන් සඳහන් කළේ මඩකලපුව පෞද්ගලික විශ්ව විද්‍යාලයේ ඇති අනතුර ජාතිය හමුවේ හෙළි කිරීම මෙම රැස්වීමේ ප්‍රධාන අරමුණ බවයි.
