තුර්කියේ සිදුවූ ප්‍රබල භූ කම්පනයෙන් බලපෑමට ලක් වූ ප්‍රදේශය ආශ්‍රිතව ශ්‍රී ලාංකිකයින් නව දෙනෙකු සිට ඇති බව වාර්තා වනවා.
තුර්කි තානාපති කාර්යාල ආරංචි මාර්ග සදහන් කළේ ඒ අතරින් අට දෙනෙකු සිය කාර්යාලය හරහා සම්බන්ධ කර ගෙන ඇති බවයි. ඔවුන් කිසිවෙකුටත් භූ කම්පනයෙන් අනතුරක් සිදුව නොමැති බවයි එම ආරංචි මාර්ග සදහන් කළේ.
කඩා වැටුණු ගොඩනැගිල්ලක එක් ශ්‍රී ලාංකිකයෙකු වාසය කර ඇති අතර භූ කම්පනය සිදුවන අවස්ථාවේ ඔහු එම ගොඩනැගිල්ලේ සිටියාද? නැද්ද? යන්න මෙතෙක් තහවුරු කර නොමැති බවද එම ආරංචිමාර්ග වැඩිදුරටත් සදහන් කළා.
