ආසියානු කුසලාන ක්‍රිකට් තරඟාවලියේ සුපිරි 08 දෙනාගේ වටයේ ශ්‍රී ලංකාවේදී පැවැත්වෙන තරඟ අද ආරම්භ වනවා. පළමු තරඟය පැවැත්වෙන්නේ ශ්‍රී ලංකාව සහ බංග්ලාදේශය අතරයි. තරඟය සවස 03ට ආරම්භ වීමට නියමිතයි. සුපර් 04 වටයේ ශ්‍රී ලංකාව සහභාගී වන පළමු තරඟය මෙය වන අතර පකිස්ථානය හමුවේ බංග්ලාදේශය පළමු තරඟයෙන් පරාජයට පත් වුණා. ඒ අනුව, අද තරඟයෙන් බංග්ලාදේශය පරාජයට පත් වුවහහොත් ඔවුන්ට බොහෝ දුරට ආසියානු කුසලානයේ අවසන් මහා තරඟය පිළිබඳ බලාපොරොත්තු අත්හැර ගැනීමට සිදු වනු ඇති.
අද තරඟයෙන් ශ්‍රී ලංකා පිල ජය ගතහොත් ඔවුන්ට තවත් වාර්තාවක් බිහි කිරීමේ අවස්ථාව පවතිනවා. ශ්‍රී ලංකාව දැනටමත් පිට පිට එක් දින ක්‍රිකට් තරඟ 12ක් ජය ගෙන අවසන්. ඒ අනුව, අද තරඟය ජය ගතහොත් එය ඔවුන්ගේ 13 වන එක්දින තරඟ ජයග්‍රහණයයි. අඛණ්ඩව එක්දින තරඟ 13ක් ජයගත් ලොව දෙවන කණ්ඩායම බවට පත් වීමට ශ්‍රී ලංකා කණ්ඩායමට එහිදී හැකි වනවා. මේවනවිට එක්දින තරඟ 13 බැඟින් අඛණ්ඩව ජය ගෙන පකිස්ථානය, දකුණු අප්‍රිකාව සහ ශ්‍රී ලංකාව සම තත්ත්වයේ පසුව අතර තරඟ 21ක් දිනූ ඔස්ටේ්‍රලියාව එහි ලෝක වාර්තාවට හිමිකම් කියනවා.
