ලෝක ක්‍රිකට් පිටියේ උද්වේගකරම තරඟයක් ලෙස සැලකෙන ඉන්දු පකිස්තාන තරගයක් අද මෙරටදී පැවැත්වෙනවා.
ඒ, ආසියානු කුසලාන ක්‍රිකට් තරඟාවලියේ සුපර් ෆෝ වටයට අදාලවයි.
මෙම තරඟාවලියේ මූලික වටයේ දෙපිල අතර පැවති තරඟය වර්ෂාව හේතුවෙන් අතහැර දැමුණා.
ඒ අනුව අද පැවැත්වෙන තරගය දෙස ලෝකයේම අවධානය යොමුව තිබෙනවා.
ඒ හේතුවෙන් මෙම තරගයට අතිරේක දිනයක්ද ලබා දීමට තරග සංවිධායකයින් තීරණය කලා.
ඒ, මෙම තරඟයටද වර්ෂාවෙන් බාධා එල්ල වේ යැයි අපේක්ෂාවෙන්.
ඒ අනුව අද තරගයට වර්ෂාවෙන් බාධා එල්ල වුවහොත් තරඟය නතර කර එතැන් සිට හෙට යලි තරඟය ආරම්භ කිරීමට නියමිතයි.
අද තරඟයට එක්වන කණ්ඩායම් දෙක මෙතෙක් නිල වශයෙන් ප්‍රකාශයට පත්කර නැහැ.
දෙපිලේම වාර්තා සඳහන් කලේ වර්ෂාවේ බලපෑම හා කාලගුණය සලකා අවසන් මොහොතේ කණ්ඩායම් නම් කරනු ඇති බවයි.
ලොවක් බලා සිටින ඉන්දු - පකිස්තාන තරගය පස්වරු 03ට කොළඹ ආර් ප්‍රේමදාස පිටියේදී පැවැත්වීමට නියමිතයි.
