එළඹෙන ලෝක කුසලාන ක්‍රිකට් තරඟාවලියට සහභාගී වන ශ්‍රී ලංකා සංචිතය සම්බන්ධයෙන් විශේෂ සාකච්ඡාවක් ශ්‍රී ලංකා ක්‍රිකට් ආයතනයේදී පැවැත්වීමට නියමිත බව වාර්තා වනවා.
ලෝක කුසලාන තරඟාවලියට තෝරා ගන්නා කණ්ඩායම මෙන්ම ශ්‍රී ලංකා එක්දින කණ්ඩායමේ නායකත්වයේ වෙනස් සිදුකළ යුතුද යන්න සම්බන්ධයෙන් එහිදී සාකච්ඡාවට ලත්වීමට නියමිත බවයි ක්‍රිකට් ආරංචි මාර්ග අනාවරණය කළේ.
ශ්‍රී ලංකා කණ්ඩායමේ නායක දසුන් ශානක පසුගිය තරග ගණනාවකදී පිතිකරුවෙකු වශයෙන් අසාර්ථක වුණා.
ඒ හේතුවෙන් දසුන් ශානකට තවදුරටත් කණ්ඩායමේ ස්ථානයක් ලබාදිය යුතුද යන්න සම්බන්ධයෙන් මේ වන විට වාද විවාද පවතිනවා.
සියලු කාරනා සලකා බලා ශ්‍රී ලංකා ක්‍රිකට් බලධාරීන් එම සාකච්ඡාවේදී තීරණවලට එළඹෙනු ඇති බවටයි වැඩිදුරටත් වාර්තා වුණේ.
2023 ලෝක කුසලාන ක්‍රිකට් තරඟාවලිය ඔක්තොම්බර් මස 5 වනදා ආරම්භ වීමට නියමිතව තිබෙනවා. එම තරඟාවලියේ පුහුණු තරඟ ආරම්භ වන්නේ සැප්තැම්බර් මස 29 වනදායි.
