ශ්‍රී ලංකාව සහ පකිස්ථාන කණ්ඩායම අතර තරඟය හෙට

පකිස්ථානය සමග හෙට පැවැත්වෙන, ලෝක කුසලාන ක්‍රිකට් තරගාවලියේ තරගයේදී මහේෂ් තීක්ෂණ ශ්‍රී ලංකා කණ්ඩායම සමග එක්වනු ඇති බවට වාර්තා වනවා.

ආබාධයක් හේතුවෙන් ඔහුට ලෝක කුසලානයේ පුහුණු තරග දෙක මෙන්ම දකුණු අප්‍රිකාවට එරෙහි තරගයද අහිමි වුණා.

ඉන්දියාවෙන් ලැබෙන ආරංචි මාර්ග අනුව තික්ෂණ හෙට තරගය සදහා සූදානමින් පසුවන බවටයි වාර්තා වන්නේ.

වෛද්‍ය උපදෙස් මත ඔහුගේ ආරක්ෂාව සලකා තීක්ෂණ දකුණු අප්‍රිකා තරගයට එක් නොකල බව ශ්‍රි ලංකා සහය පුහුණුකරු නවීඩ් නවාස් පවසා තිබෙනවා.

මේ අතර ලෝක කුසලාන තරගාවලියේ නවසීලන්ත - නෙදර්ලන්ත තරගය දැන් පැවැත්වෙනවා.

තරගයේ පළමුවෙන් පන්දුවට පහර දුන් නවසීලන්තය කඩුලු 07ක් දැවී ලකුණු 322ක් රැස් කලා.

විල් යංග් ලකුණු 70ක්, ටොම් ලැතම් ලකුණු 53ක් හා රචින් රවීන්ද්‍ර ලකුණු 52ක් රැස් කිරීමට සමත් වුණා.

නෙදර්ලන්තය පිලිතුරු ඉනිම වෙනුවෙන් දැන් පන්දුවට පහර දෙමින් සිටිනවා.

ලකුණු 323ක ජයග්‍රාහී ඉලක්කයක් හඹා යන නෙදර්ලන්තය කණ්ඩායම මීට නොබෝ වේලාවකට පෙර පන්දු වාර 08ක් අවසානයේදී එක් කඩුල්ලක් පමණක් දැවී ලකුණු  26ක් ලබා ගෙන සිටිනවා.