ලෝක කුසලාන ක්‍රිකට් තරඟාවලියේ තවත් තීරණාත්මක තරඟයක් අද පැවැත්වෙනවා.
ඒ මෙවර ලෝක කුසලානයේ ප්‍රභල කණ්ඩායම් දෙකක් වන ඔස්ට්‍රේලියාව සහ පාකිස්තානය අතරයි. තමන් සහභාගීවූ තරඟ 03 න් දෙකක් ජයගෙන පාකිස්තානය ප්‍රසාද ලකුණු සටහනේ සිව්වන ස්ථානයේ පසුවනවා.
තමන් සහභාගී වූ තරඟ 03 න් එකක් පමණක් ජයගත් ඔස්ට්‍රේලියාව සිටින්නේ ප්‍රසාද ලකුණු සටහනේ 06 වන ස්ථානයේයි.
ඒ අනුව අද තරඟයෙන් පරාජයට පත්වන කණ්ඩායමට තරඟාවලියේ ඉදිරියට යාමේදී අභියෝගාත්මක තත්ත්වයකට මුහුණදීමට සිදුවනු ඇති. එහි වැඩිම පීඩනය ඇත්තේ ඔස්ට්‍රේලියාවටයි.
පිතිකරුවන්ට වඩා යෝග්‍ය තණතීරුවක් ලෙස සැලකෙන බැංගලෝරූහි, චින්නස්වාමී ක්‍රීඩාංගණයේ මෙම තරඟය පැවැත්වෙනවා.
