අපොස සාමාන්‍ය පෙළ විභාගයට පෙනී සිට නිවස බලා යමින් සිටි 16 හැවිරිදි සිසුවියක් වෑන් රථයකින් පැහැරගෙන යමින් සිටි තරුණයින් සිව් දෙනෙකු මහනුවර, කුළුගම්මන යටිහලගල ප්‍රදේශයේ දී අත්අඩංගුවට ගෙන තිබෙනවා.
අත්අඩංගුවට ගත් සැකකරුවන් සිව් දෙනා අතර සිටින 24 හැවිරිදි තරුණයෙකු මෙම සිසුවිය හා ප්‍රේම සම්බන්ධයක් පවත්වා ඇති බවයි වාර්තා වන්නේ.
අවිස්සාවේල්ල ප්‍රදේශයේ පදිංචි හිටපු හමුදා සෙබළෙකු වන ඔහු වෑන් රථයක් කුලියට ගෙන තවත් තරුණයින් තිදෙනෙකු සමඟ මහනුවරට පැමිණ තිබෙන බවයි පොලිස් පරීක්ෂණ මගින් අනාවරණය වී ඇත්තේ.
පොළොන්නරුව ප්‍රදේශයේ පදිංචි සිසුවියගේ සහෝදරයෙකු හමුදා සේවයේ නියුක්තව සිටින බවත් ඔහු සමඟ අවස්ථා ගණනාවක දී නිවසට පැමිණ තිබෙන ප්‍රධාන සැකකරු සිසුවිය හා ප්‍රේම සම්බන්ධයක් ඇතිකර ගෙන තිබෙනවා.
පසුව ඇයව රැගෙන ගොස් වෙනත් නිවසක නවත්වා තිබෙන බවයි පරීක්ෂණ මගින් හෙළිව ඇත්තේ.
ඔහු විවාහකයෙකු බව දැන ගැනීමෙන් පසු සිසුවිය යළි පොළොන්නරුවේ නිවස කරා පැමිණ ඇති අතර ඉන් අනතුරුවයි ඊයේ ඇය පැහැරගෙන ගොස් ඇත්තේ.
ඒ අවස්ථාවේ ක්‍රියාත්මක වූ සිද්ධිය දුටු පුද්ගලයෙකු ආරක්ෂක අංශ දැනුවත් කිරීමත් සමග සැකකරුවන් අත්අඩංගුවට ගැණුනා.
මේ, සිද්ධිය ඇසින් දුටු අජිත් කෝකිල මදනායක.
