ඉන්දියානු රජයේ මුලපිරීම යටතේ සංස්කෘතික සබඳතා සඳහා වූ ඉන්දියානු කවුන්සිලය විසින් 2024-2025 අධ්‍යයන වර්ෂය සඳහා ශිෂ්‍යත්ව 1000 ක් ප්‍රකාශයට පත් කිරීමෙන් ඇෆ්ගනිස්ථාන සිසුන් සඳහා එහි කැපවීම නැවත තහවුරු කර තිබෙනවා.
ඉන්දීය මාධ්‍ය වාර්තා අනුව, මෙම ශිෂ්‍යත්ව සැලසුම් කර ඇත්තේ ඊ-විද්‍යා භාරතී ජාල ව්‍යාපෘතිය හරහා මාර්ගගත උපාධි සහ පශ්චාත් උපාධි වැඩසටහන් සඳහායි.
“ඇෆ්ගන් ජාතිකයන් සඳහා වන විශේෂ ශිෂ්‍යත්ව යෝජනා ක්‍රමය” ව්‍යාපාර පරිපාලනය, වාණිජ්‍යය, පරිගණක විද්‍යාව, කලා සහ තවත් බොහෝ විෂයයන් ආවරණය කරන බවයි වාර්තා වන්නේ.
කීර්තිමත් ඉන්දියානු මධ්‍යම සහ රාජ්‍ය විශ්ව විද්‍යාල/ආයතනවල උසස් අධ්‍යාපන අවස්ථා හැදෑරීමට ඇෆ්ගන් සිසුන්ට සහාය වීම මෙම මුලපිරීමේ අරමුණයි.
ඒ සඳහා සපුරාලිය යුතු සුදුසුකම් අතර ඇෆ්ගන් ජාතිකයන් වීම,
2024 ජූලි 1 වන දිනට වයස අවුරුදු 18 සහ 35 අතර විය යුතුය,
ප්‍රමාණවත් ඉංග්‍රීසි භාෂා ප්‍රවීණතාවයක් තිබීම,
අපේක්ෂකයින් අපේක්ෂිත වැඩසටහන සඳහා අදාළ ඉන්දියානු විශ්ව විද්‍යාල/ආයතන විසින් සකසා ඇති අධ්‍යයන පූර්ව අවශ්‍යතා සපුරාලිය යුතුය
