බස්නාහිර, සබරගමුව සහ වයඹ පළාත්වලත් ගාල්ල, මාතර, මහනුවර සහ නුවරඑළිය දිස්ත්රික්කවලත් අද දිනයේ වැසි වාර කිහිපයක් ඇති විය හැකි බව කාලගුණ විද්යා දෙපාර්තමේන්තුව පවසනවා.
බදුල්ල, අම්පාර සහ මඩකලපුව දිස්ත්රික්කවල සවස් කාලයේ හෝ රාත්රී කාලයේ ස්ථාන ස්වල්පයක වැසි හෝ ගිගුරුම් සහිත වැසි ඇති විය හැකි බවයි එම දෙපාර්තමේන්තුව පැවසුවේ.
එමෙන්ම මධ්යම කඳුකරයේ බටහිර බෑවුම් ප්රදේශවල උතුරු, උතුරුමැද සහ වයඹ පළාත්වලත් ත්රිකුණාමලය, මොණරාගල සහ හම්බන්තොට දිස්ත්රික්කවලත් විටින් විට පැයට කිලෝ මීටර් 50ක පමණ තද සුළං ඇති විය හැකියි.
දිවයිනේ සෙසු ප්රදේශවලද විටින් විට පැයට කිලෝ මීටර් 30ත් 40ත් අතර තරමක තද සුළං ඇති විය හැකි බවයි කාලගුණ විද්යා දෙපාර්තමේන්තුව වැඩිදුරටත් පැවසුවේ.
