පූර්ණ එක්දින ක්‍රිකට් තරගාවලි පරාජයකින් මිදීම සදහා සංචාරක ශ්‍රී ලංකා කාන්තා ක්‍රිකට් කණ්ඩායම අද තරග බිමට පිවිසෙනවා.
ඒ, අයර්ලන්ත කණ්ඩායම සමගයි.
දෙරට අතර පැවැත්වෙන තරග තුනකින් සමන්විත එක්දින ක්‍රිකට් තරගාවලියේ මුල් තරග දෙක ජය ගැනීමට අයර්ලන්ත කණ්ඩායම සමත් වුණා.
දෙරට අතර පැවති පළමු එක්දින ක්‍රිකට් තරගය අයර්ලන්ත කාන්තා ක්‍රිකට් කණ්ඩායම ජය ගනු ලැබුවේ කඩුළු 3කින්.
දෙවන එක්දින තරගය ලකුණු 15 කින් ජය ගැනීමට අයර්ලන්ත කණ්ඩායම සමත් වුණා.
ශ්‍රී ලංකා කාන්තා ක්‍රිකට් කණ්ඩායමේ නායිකා චමරි අතපත්තුට මෙම තරග දෙකේදීම ලකුණු අතරට පැමිණීමට නොහැකි වුණා.
එයද තරග දෙකම පරාජයවීමට ශ්‍රී ලංකා කාන්තා කණ්ඩායමට බලපෑ බවයි ක්‍රීඩා විචාරකයින් පෙන්වා දෙන්නේ.
දෙරට අතර පැවති තරග දෙකකින් යුත් විස්සයි විස්ස ක්‍රිකට් තරගාවලියේ එක් තරග බැගින් ජය ගැනීමට ශ්‍රී ලංකා සහ අයර්ලන්ත කණ්ඩායම් සමත් වුණා.
