ඉදිරි පැය 48ක කාලය තුළ කැලණි ගංගා නිම්නයේ පහත් බිම් ප්‍රදේශ කිහිපයක ගංවතුර තත්ත්වයන් ඇති විය හැකි බව වාර්මාර්ග දෙපාර්තමේන්තුව පවසනවා.
ඒ අනුව දෙහිඕවිට, රුවන්වැල්ල, සීතාවක, දොම්පේ, හෝමාගම, කඩුවෙල, බියගම, කොළොන්නාව, කොළඹ සහ වත්තල ප්‍රාදේශීය ලේකම් කොට්ඨාසවලට අයත් කැලණි ගඟේ පහත් බිම් ප්‍රදේශවලට එලෙස ගංවතුර තත්ත්වයක් ඇතිවිය හැකියි.
ඒ සම්බන්ධයෙන් වැඩි අවධානයක් යොමු කරන්නැයි එම ප්‍රදේශවල පදිංචි මහ ජනතාව සහ ප්‍රදේශ හරහා ගමන් ගන්නා රියදුරනගෙන් වාරිමාර්ග දෙපාර්තමේන්තුවේ ජල විද්‍යා සහ ආපදා කළමනාකරණ අධ්‍යක්‍ෂ එස් පී සී සුගීෂ්වර මහතා ඉල්ලීමක් ද කළා.
