ජාත්‍යන්තර මූල්‍ය අරමුදල සමග නව ගිවිසුමකට යාමට මේ වනවිටත් සාකච්ඡා පවත්වා ඇති බව සමගි ජන බලවේගයේ නායක සජිත් ප්‍රේමදාස මහතා පවසනවා.
සිය රජයක් යටතේ බදු බර අඩු කර ජනතාවට සහන සැලසීම සඳහා එලෙස නව ගිවිසුමකට එළඹෙන බවයි මැද කොළඹ ප්‍රදේශයේ පැවති ජන හමුවකට එක්වෙමින් ඔහු කියා සිටියේ.
කෙසේවෙතත් රටක් දියුණු කිරීමට නම් ජනතාවට නායකත්වය පිළිබඳව විශ්වාසයක් තිබිය යුතු බව අග්‍රාමාත්‍ය ආචාර්ය හරිනි අමරසූරිය මෙනෙවිය පවසනවා.
කොළඹ පැවති වැඩසටහනකට එක්වෙමින් අග්‍රාමාත්‍යවරිය මෙම අදහස් පළ කළා.
