සංචාරක නවසීලන්ත කණ්ඩායම සහ ශ්‍රී ලංකා කණ්ඩායම අතර තරග දෙකකින් සමන්විත අවසන් විස්සයි විස්ස තරගය අද රාත්‍රියේ රංගිරි දඹුලු ක්‍රීඩාංගනයේදී ආරම්භ වීමට නියමිතයි.
දෙරට අතර පැවති පළමු විස්සයි විස්ස තරගයෙන් නවසීලන්ත කණ්ඩායම පරදවා ශ්‍රී ලංකා කණ්ඩායම කඩුලු 04 ක පහසු ජයක් ඊයේ රාත්‍රියේ හිමිකර ගත්තා.
ඒ අනුව ශ්‍රී ලංකා කණ්ඩායම අද තරග බිමට පිවිසෙන්නේ තරගාවලිය දෙකට බින්දුවක් ලෙස ජයග්‍රහණය කිරීමේ අපේක්ෂාවෙන්.
මේ අතර ඊයේ පැවති තරගය ජයග්‍රහණය කිරීමෙන් අනතුරුව ශ්‍රී ලංකා කණ්ඩායමේ තුන් ඉරියව් ක්‍රීඩක වනිඳු හසරංග සිය ජයග්‍රහණයේ සැලසුම සම්බන්ධයෙන් මාධ්‍ය වෙත මෙලෙස අදහස් පළ කළා.
ශ්‍රී ලංකා කණ්ඩායමේ නායක චරිත් අසලංකගේ බලාපොරොත්තුව ඉදිරි ලෝක කුසලානය වෙනුවෙන් නිත්‍ය කණ්ඩායමක් සකස් කර ගැනීම බවයි වනිඳු හසරංග මෙහිදී වැඩිදුරටත් ප්‍රකාශ කළේ.
