ශ්‍රී ලංකා ක්‍රිකට් කණ්ඩායමට කෙටි කාලයක් සඳහා උපදේශක පුහුණුකරුවෙකු පත් කර තිබෙනවා.
දකුණු අප්‍රිකානු කණ්ඩායමේ හිටපු දක්ෂ පිතිකරුවෙකු වන නීල් මැකෙන්සි එලෙස පත් කළ බවයි ශ්‍රී ලංකා ක්‍රිකට් ආයතනය නිවේදනය කළේ.
ඒ අනුව ඔහු ශ්‍රී ලංකා කණ්ඩායමේ ක්‍රීඩකයින් කිහිපදෙනෙක් සමග කටයුතු කිරීමට නියමිතයි.
ඒ අනුව ශ්‍රී ලංකා කණ්ඩායමේ ක්‍රීඩකයින් කිහිප දෙනෙක් පූර්ව තරගාවලි පුහුණුවකට දකුණු අප්‍රිකාව බලා පිටත්ව ගොස් තිබෙනවා.
ධනංජය ද සිල්වා, දිමුත් කරුණාරත්න, ඇන්ජලෝ මැතිව්ස්, දිනේෂ් චන්දිමාල්, ළහිරු කුමාර, ප්‍රභාත් ජයසූරිය, නිශාන් පීරිස්, මිලාන් රත්නායක, කසුන් රාජිත සහ ලසිත් ඇඹුල්දෙණිය එලෙස දකුණු අප්‍රිකාව බලා පිටත්ව ගිය ක්‍රීඩකයින් වනවා.
දකුණු අප්‍රිකාව සහ ශ්‍රී ලංකාව අතර තරග දෙකකින් සමන්විත ටෙස්ට් ක්‍රිකට් තරගාවලියක් පැවැත්වීමට නියමිතව තිබෙනවා.
එහි පළමු තරගය ඩර්බන්හිදී ආරම්භ වීමට නියමිතව ඇත්තේ ලබන 27 වනදායි.
දෙවන ටෙස්ට් ක්‍රිකට් තරගය දෙසැම්බර් 05 වනදා ආරම්භ වීමට නියමිතයි.
