ගල්කිස්සේ වෙඩි තැබීමට සම්බන්ධ තවත් සැකකරුවෙකු අත්අඩංගුවට

ගල්කිස්ස, බඩෝවිට ප්‍රදේශයේදී ඉකුත් 19 වනදා වෙඩි තබා පුද්ගලයෙකු ඝාතනය කිරීමේ සිද්ධියට සම්බන්ධ තවත් සැකකරුවෙකු පොලීසිය විසින් අත්අඩංගුවට ගෙන තිබෙනවා. 

බද්දේගම, හල්පාතොට ප්‍රදේශයේදී එම සැකකරු අත්අඩංගුවට ගෙන ඇත්තේ බස්නාහිර පළාත දකුණ දිසා අපරාධ කොට්ඨාසයේ නිලධාරීන් කණ්ඩායමක් විසින්. දෙහිවල ප්‍රදේශයේ පදිංචිකරුවෙකු වන එම සැකකරු අදාළ වෙඩි තැබීම සිදු කළ සැකකරුවන්ට ආධාර අනුබල ලබා දී ඇති බවයි පොලීසිය පැවසුවේ. 

එම වෙඩි තැබීමට අදාළ තවත් සැකකරුවෙකු මීට පෙර අත්අඩංගුවට ගනු ලැබුවා.