සංචාරක ඕස්ටේ්‍රලියා කණ්ඩායම සහ ශ්‍රී ලංකා කණ්ඩායම අතර පළමු ටෙස්ට් තරඟය දෙවන දිනට තරඟය නිමා වන විට ශ්‍රී ලංකා කණ්ඩායම සිය පළමු ඉනිම සඳහා කඩුලු 03ක් දැවී ලකුණු 44ක් ලබාගෙන සිටියා.
ඕස්ටේ්‍රලියා කණ්ඩායම සිය පළමු ඉනිම සඳහා කඩුලු 06ක් දැවී ලකුණු 654ක් ලබා සිටියදී ඉනිම අත්හිටවූවා.
ඕස්ටේ්‍රලියා කණ්ඩායම වෙනුවෙන් සුපිරි ක්‍රීඩක උස්මාන් කවාජා ලකුණු 232ක් ලබා ගනිමින් සිය ටෙස්ට් ක්‍රිකට් දිවියේ මංගල ද්විත්ව ශතකය වාර්තා කළා.
ඕස්ටේ්‍රලියානු කණ්ඩායමේ නායක ස්ටීව් ස්මිත් ලකුණු 141යි.
පන්දු යැවීමේදී ශ්‍රී ලංකා කණ්ඩායම වෙනුවෙන් ප්‍රභාත් ජයසූරිය සහ ජෙෆ්රි වැන්ඩර්සේ අතර කඩුලු 03 බැගින් බෙදී ගියා.
පළමු ඉනිමේ ලකුණු 654ක ඉලක්කයක් හඹා යාමට පිටියට පැමිණි ශ්‍රී ලංකා කණ්ඩායම අද දිනයේ තරඟය නතර කරන විට සිය පළමු ඉනිම සඳහා කඩුලු 03ක් දැවී ශ්‍රී ලංකා කණ්ඩායම ලකුණු 44ක් ලබාගෙන සිටියා.
ඕෂධ ප්‍රනාන්දු සහ දිමුත් කරුණාරත්න ලකුණු 07 බැගින් ලබා සිටියදී දැවී ගිය අතර ඇන්ජලෝ මැතිව්ස්ද ලකුණු 07කට දැවී ගියා.
නොදැවී පන්දුවට පහර දෙමින් සිටින දිනේෂ් චන්දිමාල් ලකුණු 09ක් සහ කමිඳු මෙන්ඩිස් ලකුණු 13ක් රැස් කර ගනිමින් පිටියේ රැඳී සිටිනවා.
තරඟයේ තෙවන දිනය හෙට පැවැත්වීමට නියමිතයි.
