සංචාරක ඕස්ටේ්‍රලියා කණ්ඩායම සහ ශ්‍රී ලංකා කණ්ඩායම අතර පැවැත්වෙන පළමු ටෙස්ට් තරඟයේ තුන්වන දිනයටද වර්ෂාව හේතුවෙන් බාධා එල්ල වී තිබෙනවා.
ඒ අනුව තරඟයේ 42වන පන්දු වාරයේදී වර්ෂාව හේතුවෙන් තරඟය නතර කරනු ලැබුවා. ඒ අනුව දිවා ආහාරය සඳහා තරඟය නතර කළ අතර ඒ වන විට ශ්‍රී ලංකා කණ්ඩායම සිය පළමු ඉනිම සඳහා කඩුලු 05ක් දැවී ලකුණු 136ක් රැස් කරගෙන සිටියා.
දිනේෂ් චන්දිමාල් ලකුණු 63ක් සහ කුසල් මෙන්ඩිස් ලකුණු 10ක් රැස් කර ගනිමින් නොදැවී කඩුල්ලේ රැඳී සිටිනවා. දිනයේ පළමු කඩුල්ල ලෙස ලකුණු 15ක් රැස්කරගෙන සිටි කමිඳු මෙන්ඩිස් දැවී ගියා.
නායක ධනංජයද සිල්වා දැවී ගියේ ලකුණු 22ක් රැස් කරගෙන සිටියදීයි.
ඕස්ටේ්‍රලියා කණ්ඩායම සිය පළමු ඉනිම සඳහා කඩුලු 06ක් දැවී ලකුණු 654ක් රැස් කරගෙන සිටියදී සිය ඉනිම අත්හිටවූවා.
ඕස්ටේ්‍රලියා කණ්ඩායම වෙනුවෙන් උස්මාන් කවාජා ලකුණු 232ක් ලබා ගනිමින් සිය ටෙස්ට් ක්‍රිකට් දිවියේ මංගල ද්විත්ව ශතකය වාර්තා කළා.
ඕස්ටේ්‍රලියානු කණ්ඩායමේ නායක ස්ටීව් ස්මිත් ලකුණු 141යි.
පන්දු යැවීමේදී ශ්‍රී ලංකා කණ්ඩායම වෙනුවෙන් ප්‍රභාත් ජයසූරිය සහ ජෙෆ්රි වැන්ඩර්සේ අතර කඩුලු 03 බැගින් බෙදී ගියා.
