මැලේසියාවේ ශ්රී ලංකා මහ කොමසාරිස්වරයාට ඉකුත් දා කෙරුණු පහරදීම සම්බන්ධයෙන් පාර්ලිමේන්තුවේ දී අද ප‍්‍රශ්න කරන බව පාර්ලිමේන්තු මන්ත‍්‍රී දිනේෂ් ගුණවර්ධන පවසනවා.
ඒ සඳහා ආණ්ඩුවෙන් පැහැදිලි පිළිතුරක් අපේක්ෂා කරන බවයි මන්ත‍්‍රීවරයා වැඩිදුරටත් කියා සිටියේ.
මේ අතර අදාළ පහරදීම සම්බන්ධයෙන් ශ්රී ලංකාවේ මැලේසියානු මහ කොමසාරිස්වරයාගෙන් ඊයේ (05) කරුණු විමසූ බවයි විදේශ කටයුතු අමාත්‍යංශය පවසන්නේ.
මැලේසියාවේ ශ්රී ලංකා මහ කොමසාරිස් කාර්යාලයට මේ වනවිට විශේෂ ආරක්ෂාවක් ද සපයා තිබෙනවා.
අදාළ පහරදීම සම්බන්ධයෙන් පුද්ගලයින් පස් දෙනෙකු අත්අඩංගුවට ගෙන ඇති බවයි විදෙස් මාධ්‍ය වාර්තා කළේ.
මෙම පුද්ගලයින් මැලේසියාවේ පදිංචි ඉන්දීය ජාතිකයින් බවට ද තොරතුරු අනාවරණ වී තිබෙනවා.
