සිකා වෛරසය ආසියානු කලාපීය රටවල පැතිර යාමේ වැඩි අවධානමක් පවතින බවට ලෝක සෞඛ්‍ය සංවිධානය අනතුරු අගවා තිබෙනවා.
මදුරුවන් මගින් බෝවන සිකා වෛරසය මේවන විට ලොව රටවල් 70 ක පමණ පැතිර තිබෙනවා. ඉන් 19 ක්ම ආසියා පැසිෆික් කලාපීය රටවල් බවයි හඳුනාගෙන ඇත්තේ.
සිකා වෛරසය සම්බන්ධ ආසාධන තත්ත්වයන් සිය ගණනක් සිංගපුරුවෙන් වාර්තාවී ඇති අතර තායිලන්තයෙන් ද රෝගීන් දෙදෙනෙකු හමුවී ඇති බවයි ලෝක සෞඛ්‍ය සංවිධානය ප්‍රකාශ කර ඇත්තේ.
