නෙත් එෆ් එම් රේඩියෝවේ දිරිය නෙත් සමාජ සත්කාරක වැඩසටහන යටතේ සිදු කෙරෙන තවත් ව්‍යාපෘතීන් කිහිපයක් අද සිදු කෙරෙනවා.
ඒ, කළුතර, අගලවත්ත ප්‍රාදේශීය ලේකම් කොට්ඨාසය කේන්ද්‍ර කර ගනිමින්.
මේ යටතේ පුවන්දගොඩ, පොල්ගම්පල රංජිත් සමරතුංග ඇතුළු පවුලේ සැමට නව නිවසක් ඉදිකරදීම ඉකුත් කාලසීමාවේ සිදු කෙරුණා.
අදාළ නිවසට ගෙවදීම සහ එහි යතුර රංජිත් සමරතුංග පවුලට භාරදීම අද සිදු කෙරෙනවා.
එමෙන්ම මතුගම, කුරුපිට කණිෂ්ඨ විද්‍යාලයේ දරු දැරියන්ට නව වසර සදහා අවශ්‍ය පාසල් පොත් සහ උපකරණ ඛෙදාදීමද මීට සමගාමීව සිදු කෙරෙනු ඇති.
පාසල් පුස්තකාලයට පොත් පරිත්‍යාග කිරීමද මෙහිදී සිදු කෙරෙනවා.
