නවක වද සිද්ධියකට එරෙහි වූ පේරාදෙණිය විශ්ව විද්‍යාලයේ දෙවන වසරේ සිසුවෙකුට එල්ල වූ ප්රහාරයක් සම්බන්ධයෙන් පොලිසිය විමර්ශනයක් ආරම්භ කර තිබෙනවා.
නෙත් නිවුස් වාර්තාකරු පැවසුවේ විශ්ව විද්‍යාලයේම ජ්‍යෙෂ්ඨ සිසුන් පිරිසක් විසින් මෙම පහරදීම සිදුකර ඇති බවයි.
පහරකෑමෙන් තුවාල ලැබූ සිසුවා පේරාදෙණිය ශික්ෂණ රෝහලේ ප‍්‍රතිකාර ලබනවා.
පහරකෑමට ලක්වූ සිසුවා අනුරාධපුර මහාධිකරණ විනිසුරුවරයාගේ පුත‍්‍රයෙකු බවයි පොලිසිය පවසන්නේ.
පහරදීම සිදුකළ බව කියන සිසුන් 8 දෙනෙකු මේ වන විට හඳුනාගෙන තිබෙනවා. අදාළ සිද්ධිය සම්බන්ධයෙන් පේරාදෙණිය විශ්ව විද්‍යාලයේ පාලනාධිකාරිය ද විමර්ශනයක් සිදුකරනවා.
