නෙත් එෆ්.එම්. රේඩියෝවේ දිරිය නෙත් ව්‍යාපෘතියක් ලෙස කහටගස්දිගිලිය මීමින්නාවල ගම්මානයේ ඉදිකෙරුණු පානීය ජල ව්‍යාපෘතිය අද (24) උදෑසන ජනතා අයිතියට පත්කෙරුණා.
එම අවස්ථාවේ ඡායාරූප පහතින් දැක්වේ
දිරිය නෙත් ව්‍යාපෘතියකින් මීමින්නාවලට අද සිට පිරිසිදු ජලය
Jan 24, 2017 @ 06:34
නෙත් එෆ්.එම්. රේඩියෝවේ දිරිය නෙත් සමාජ සත්කාරය යටතේ කහටගස්දිගිලිය මීමින්නාවල ගම්මානයේ ඉදිකෙරුණු පානීය ජල ව්‍යාපෘතිය අද (24) විවෘත කෙරෙනවා. ඒ, ගම්වැසියන් සියලු දෙනාගේ පිරිසිදු පානීය ජලය පිළිබඳ සිහිනය සැබෑ කරමින්.
අමෙරිකාවේ වෙසෙන ශ‍්‍රී ලාංකික වෛද්‍යවරියක වන මාලිකා ජයසූරිය මෙම සමාජ සත්කාරය සඳහා මූල්‍යාධාර ලබාදුන්නා. උපන් බිම වෙනුවෙන් කිසියම් හෝ උපකාරයක් කිරීමට ලැබීම තමන් ලද භාග්‍යයක් බවයි ඇය නෙත් නිවුස් වෙත කියා සිටියේ.
විදෙස්ගත සෙසු ශ‍්‍රී ලාංකිකයින් ද හැකි පමණින් සිය උපන් බිම වෙනුවෙන් යුතුකම් ඉටුකළ යුතු බව වෛද්‍ය මාලිකා ජයසූරිය මෙහිදී කියා සිටියා.
නියඟයෙන් පීඩාවට පත් ගොවීන් වෙනුවෙන් සහන සැලසීමේ ව්‍යාපෘතියක් ද දිරිය නෙත් සමාජ සත්කාරය යටතේ සැලසුම් කෙරෙනවා. සම්පත් බැංකුවේ බොරැල්ල ශාඛාවේ දිරිය නෙත් 000 460 002 117 ගිණුමට මුදල් බැර කිරීමෙන් ඔබට ද ඊට දායක විය හැකියි.
