පළමු එක්දින ක‍්‍රිකට් තරගයේ දී ශ‍්‍රී ලංකා කණ්ඩායම දකුණු අප‍්‍රිකානු වේග පන්දු යවන්නන් හමුවේ අද (28) යළි අසරණ වුණා.
ඒ, තරගයේ ප‍්‍රථමයෙන් පන්දුවට පහරදුන් ශ‍්‍රී ලංකා කණ්ඩායමේ සියලූ දෙනා පන්දුවාර 48 යි පන්දු 03ක් තුළ ලකුණු 181කට දැවීයාම හේතුවෙන්.
ඉණිමේ කැපී පෙනෙන එකම පිතිකරු වූයේ කුසල් මෙන්ඩිස් පමණයි. සිය එක්දින දිවියේ අටවන අර්ධ ශතකය රැස්කර ගත් ඔහු දැවී ගියේ ලකුණු 62ක් ලබා සිටියදීයි.ධනංජය ද සිල්වා ලකුණු 28 කටත්, දිනේෂ් චන්දිමාල් ලකුණු 22 කටත් දැවී ගියා.
ශ‍්‍රී ලංකා ඉණිමේ මුල සිටම දකුණු අප‍්‍රිකානු වේග පන්දු යවන්නන්ගෙන් එල්ල වූයේ ප‍්‍රබල තර්ජනයක්. දකුණු අප‍්‍රිකානු වේග පන්දු යවන්නන් ශ‍්‍රී ලංකා ඉණිමේ කඩුලු හයක් බිඳ හෙළුවා.
පසුව ක‍්‍රියාත්මක වූ දඟ පන්දු යවන ක‍්‍රීඩක ඉම්රාන් ටහීර් ලකුණු 26කට කඩුලු 03 ක් බිඳ හෙළුවා.
