තොරතුරු දැන ගැනීමේ පනත් කෙටුම්පත හරහා තමන්ට සහනයක් ලබාදෙන්නැයි මඩකලපුව ප‍්‍රදේශයේ කාන්තාවන් 15 දෙනෙකු රාජ්‍ය ආයතන කිහිපයක් වෙත ලිඛිත ඉල්ලීම් ඉදිරිපත් කර තිබෙනවා.
‘‘ ද හින්දු’’ පුවත්පත වාර්තා කළේ අදාළ කාන්තාවන්ගේ ඥාතීන් ඉකුත් යුද සමයේ දී සහ ඉන් අනතුරුව ද අතුරුදන්ව ඇති බවයි.
ඒ අනුව තම ඥාතීන් පිළිබඳ තොරතුරු සොයා දෙන්නැයි මෙම කාන්තාවන් 15 දෙනා දිස්ත‍්‍රික් ලේකම්වරයාට, නියෝජ්‍ය පොලිස්පතිවරයාට සහ ජ්‍යෙෂ්ඨ පොලිස් අධිකාරීවරයාට ලිඛිතව දැනුම් දී තිබෙනවා.
එමෙන්ම මානව හිමිකම් කොමිසන් සභාවේ මඩකලපුව කාර්යාලයට ද ඔවුන් එම ඉල්ලීම ඉදිරිපත් කර ඇති බවයි ‘‘ද හින්දු’’ පුවත්පත වාර්තා කළේ. බන්ධනාගාර දෙපාර්තමේන්තුවට ද ඔවුන් එහි පිටපතක් ලබාදී තිබෙනවා.
