මීතොටමුල්ල කසල කන්ද කඩා වැටීම පිළිබඳ ඉදිරි ක‍්‍රියාමාර්ග ගැනීම සඳහා අද (19) පෙරවරුවේ විශේෂ සාකච්ඡාවක් පැවැත්වෙනවා.
ඒ, ජනාධිපති මෛත‍්‍රීපාල සිරිසේන මහතාගේ ප‍්‍රධානත්වයෙන් ආපදා කළමනාකරණ අමාත්‍යංශයේදීයි.
ඒ සඳහා විෂයභාර අමාත්‍යවරුන්, රාජ්‍ය නිලධාරීන්, ත‍්‍රිවිධ හමුදාපතිවරු සහ පොලිස්පතිවරයා මෙන්ම කොළඹ දිස්ත‍්‍රික්කයේ දේශපාලන නියෝජිතයින් ද සහභාගී වීමට නියමිතයි.
මීතොටමුල්ල ප‍්‍රදේශයේ මේ වනවිට ක‍්‍රියාත්මක වැඩපිළිවෙලේ ප‍්‍රගතිය සම්බන්ධයෙන් මෙහිදී විමසා බැලෙනු ඇති.
