නව ජීව විශේෂ 381ක් ඇමසන් වනාන්තරයෙන් හමු වී තිබෙනවා. වසර 02ක් පමණ තිස්සේ සිදු කෙරුණු අධ්‍යයනයකින් මෙම ජීව විශේෂ හඳුනාගෙන ඇති බවයි විදෙස් වාර්තා පවසන්නේ. ශාක විශේෂ 216ක් ද මේ අතර වනවා.
මත්ස්‍ය විශේෂ 93ක්, උභය ජීවින් විශේෂ 32ක්, ක්ෂීරපායි විශේෂ 20ක් උරග විශේෂ 19ක් සහ පක්ෂි විශේෂයක් ද හමු වී ඇති නව ජීව විශේෂවලට අයත්.
මෙම ජීව විශේෂ වැඩිම ප‍්‍රමාණයක් හමු වී ඇත්තේ ඇමසන් වනාන්තරයේ මානව ක‍්‍රියාකාරකම් නිසා තර්ජනයට ලක්වූ ප‍්‍රදේශවලින් බවද විදෙස් වාර්තා කියා සිටියා.
