සෞදි අරාබියේදී රුපියල් මිලියන 50ක මුදල් තොගයක් කොල්ලකෑමේ සිද්ධියක් සම්බන්ධයෙන් ශ්‍රී ලාංකිකයින් 6 දෙනෙකුට සිරදඬුවම් ලබාදීමට එරට අධිකරණය නියෝග කර තිබෙන බව විදෙස් මාධ්‍ය වාර්තා කරනවා.
මෙලෙස සිරදඬුවම් නියම වී ඇත්තේ ආරක්ෂක සේවයේ නියැලී සිටි ශ්‍රී ලාංකිකයින් 6 දෙනෙකුටයි.
වෑන් රථයකින් මුදල් රැගෙන යමින් සිටියදී මොවුන් මුදල් කොල්ලකා ඇති බවයි වාර්තා වන්නේ.
මෙම පිරිසට අවුරුදු 3 බැගින් සිරදඬුවම් ලබා දීමට එරට අධිකරණය තීරණය කර ඇති බව විදෙස් මාධ්‍ය වාර්තා කරනවා.
සිරදඬුවම් අවසන් වූ පසුව ශ්‍රී ලාංකිකයනින් 6 දෙනා මෙරටට පිටුවහල් කිරීමට නියමිතයි.
