නිල සංචාරක් සඳහා දිවයිනට පැමිණ සිටින සිංගප්පූරු අගමැති ලී ෂියෑන් ලූන් මහතා අද (23) පෙරවරුවේ ජනාධිපති කාර්යාලයේදී ජනාධිපති මෛත්‍රීපාල සිරිසේන මහතා හමුවී තිබෙනවා.
ජනාධිපති කාර්යාලය වෙත පැමිණි සිංගප්පුරු අගමැතිවරයා සහ එම මැතිණිය ජනාධිපති මෛත්‍රීපාල සිරිසේන මහතා සහ ජයන්ති සිරිසේන විසින් ඉතා උණුසුම් ලෙස පිළිගනු ලැබුවා.
ආචාර වෙඩිමුර සහිතව හමුදා උත්තමාචාර පිළිගන්වමින් අභිමානවත් අයුරින් එම පිළිගැනීම සිදුවුණා.
නායක දෙපළ අතර සුහද කථා බහකින් අනතුරුව ද්විපාර්ශ්වික සාකච්ඡා ආරම්භ කෙරුණා.
දෙරට අතර ආර්ථීක, වෙළඳ සහ ආයෝජන සහයෝගීතාවය වර්ධනය කර ගැනීම පිළිබඳව මෙහිදී නායකයින් දීර්ඝ වශයෙන් සාකච්ඡා කළා.
