නිල සංචාරයක් සඳහා පිටත්ව ගිය ජනාධිපති මෛත්‍රීපාල සිරිසේන මහතා අද (10) පස්වරුවේ නව දිල්ලි නුවර ඉන්දිරා ගාන්ධි ජාත්‍යන්තර ගුවන් තොටුපළෙන් ඉන්දියාවට ළඟා වුණා.
ජාත්‍යන්තර සූර්යය බල ශක්ති එකමුතුවේ සමාරම්භක උළෙලට සහභාගී විම සඳහායි ජනාධිපතිවරයා ඉන්දියාව බලා පිටත්ව ගියේ. ඉන්දීය විදෙශ කටයුතු අමාත්‍යාංශයේ බටහිර කොට්ඨාශය භාර ලේකම් රුචිගන් ශාම් විසින් එහිදී ජනාධිපති මෛත්‍රීපාල සිරිසේන මහතා පිළිගෙන තිබෙනවා.
ශ්‍රී ලංකාවේ ඉන්දීය මහ කොමසාරිස් තරංජිත් සිං සහ ඉන්දියාවේ ශ්‍රී ලංකා මහ කොමසාරිස් චිත්‍රාංගනී වාගීෂ්වරද එම අවස්ථාවට එක්වුණා.
